აშშ-ის პრეზიდენტმა დონალდ ტრამპმა განაცხადა, რომ ირანის გამდიდრებული ურანის მარაგის ამოღება „ხანგრძლივ და რთულ პროცესს“ მოითხოვს.
ორშაბათს გაკეთებულ განცხადებაში ტრამპმა ისაუბრა 2025 წლის ივნისში ირანის ბირთვულ ობიექტებზე მისი ბრძანებით განხორციელებულ იერიშებზე და აღნიშნა: „ოპერაცია „შუაღამის ჩაქუჩი“ ირანის ბირთვული მტვრის ობიექტების სრული და აბსოლუტური განადგურება იყო“.
აშშ-ის პრეზიდენტი დიდი ხანია ამტკიცებს, რომ თავდასხმებმა ირანის ბირთვული პროგრამა „მოსპო“, ბოლო დროს კი მან ურანის მარაგი „მტვრად“ მოიხსენია.
„ამიტომ, მისი ამოღება ხანგრძლივი და რთული პროცესი იქნება“, - განაცხადა ტრამპმა.
ტრამპის ეს განცხადებები პაკისტანში დაგეგმილი შესაძლო მაღალი დონის შეხვედრების წინ გაჟღერდა.
კვირას ტრამპმა გამოაცხადა, რომ აშშ-ის წარმომადგენლები მოლაპარაკებებისთვის ისლამაბადში გაფრინდებოდნენ. თუმცა, თეირანს მონაწილეობა ოფიციალურად ჯერ არ დაუდასტურებია და ჰორმუზის სრუტეში აშშ-ის ბლოკადის მოხსნას ითხოვს.
11-12 აპრილს პაკისტანის დედაქალაქ ისლამაბადში აშშ-სა და ირანს შორის გაიმართა პირველი პირდაპირი მაღალი დონის შეხვედრა 1979 წლის შემდეგ (მას შემდეგ, რაც ქვეყნებს შორის დიპლომატიური ურთიერთობები გაწყდა), თუმცა მოლაპარაკებები ყოველგვარი გარღვევის გარეშე დასრულდა.
