გეგმის მიხედვით, ამერიკის შეერთებული შტატები ევროპაში განთავსებული F-16 და F-15E ტიპის გამანადგურებლების რაოდენობას დაახლოებით 150-დან 100-მდე შეამცირებს.

საზღვაო საპატრულო თვითმფრინავების რაოდენობა 26-დან 15-მდე შემცირდება, ხოლო რვა გამმართველ-თვითმფრინავი (ე.წ. ტანკერი), რომლებიც აქამდე ევროპის განკარგულებაში იყო, სრულად იქნება გაწვეული.

სტატიაში ასევე აღნიშნულია, რომ იგეგმება რაკეტმზიდი წყალქვეშა ნავის, ერთი ავიამზიდისა და ამ ხომალდის მისიებში მონაწილე მრავალი სამხედრო გემისა და საბრძოლო თვითმფრინავის გადაჯგუფება (ხელახალი დისლოკაცია).

ნათქვამია, რომ ევროპის თავდაცვისთვის გამოყოფილი ორი ბომბდამშენი ჯგუფიდან ერთ-ერთი შესაძლოა სხვა რეგიონში გადაიყვანონ.

აშშ-მ „მასშტაბების გადახედვის“ სიგნალი მანამდეც გასცა

ნატო-ს და აშშ-ის თავდაცვის დეპარტამენტს (პენტაგონს) ამ საკითხთან დაკავშირებით კომენტარის მოთხოვნაზე ჯერჯერობით არ უპასუხიათ. თუმცა, აშშ-ის აღმოსავლეთის სარდლობამ გასულ კვირას გაკეთებულ განცხადებაში აღნიშნა, რომ დამატებითი დეტალების გარეშე „გადახედავს და შეცვლის“ თავის წვლილს ნატო-ს ძალების მოდელში.

მაისში გავრცელებული ინფორმაციითაც, აშშ გეგმავდა იმ სამხედრო შესაძლებლობების შემცირებას, რომლებსაც მოკავშირეებს დიდი კრიზისის დროს შესთავაზებდა.

აშშ-ის პრეზიდენტის, დონალდ ტრამპის ადმინისტრაცია ევროპულ მთავრობებს ხშირად ადანაშაულებს საკუთარ ჯარებში არასაკმარისი ინვესტიციების ჩადებასა და აშშ-ის მფარველობაზე ზედმეტად დამოკიდებულებაში.

ვაშინგტონი მოუწოდებს როგორც ევროპელ, ისე აზიელ მოკავშირეებს, თავდაცვის ხარჯები მთლიანი შიდა პროდუქტის (მშპ) 3,5%-მდე გაზარდონ.