თურქეთის პრეზიდენტმა რეჯეფ თაიფ ერდოღანმა ყველა ქრისტიანს აღდგომის ბრწყინვალე დღესასწაული მიულოცა.
„ვულოცავ აღდგომის ბრწყინვალე დღესასწაულს ჩვენს ქრისტიან მოქალაქეებს, რომლებიც სხვადასხვა ეკლესიებსა და ჯგუფებს მიეკუთვნებიან“, - განაცხადა ერდოღანმა კვირას გავრცელებულ განცხადებაში.
„როგორც ცივილიზაციის წარმომადგენლები, რომელიც პატივისცემასა და სიყვარულს ემყარება, ჩვენ დიდ მნიშვნელობას ვანიჭებთ იმას, რომ ჩვენს ყველა მოქალაქეს, რომელთაც ანატოლია ათასწლეულების განმავლობაში აქციეს მშვიდობის მიწად, ჰქონდეს საკუთარი რელიგიის, კულტურისა და ტრადიციების თავისუფლად დაცვის შესაძლებლობა,“ - ხაზგასმით აღნიშნა მან.
პრეზიდენტმა ისურვა, რომ მშვიდობისა და სიყვარულის სულისკვეთებას, რომელიც აღდგომას მოაქვს და ერთიანობის, ძმობისა და გაზიარების სიმბოლოა, მუდამ ედგას თან კაცობრიობას.
„ამ გრძნობებითა და ფიქრებით, კიდევ ერთხელ ვულოცავ აღდგომის ბრწყინვალე დღესასწაულს ყველა ქრისტიანს, პირველ რიგში კი, ჩვენს ქრისტიან მოქალაქეებს და კეთილდღეობას ვუსურვებ მათ,“ - განაცხადა ერდოღანმა.
