უკრაინული დრონის თავდასხმის შედეგად მოსკოვის მიმდებარე აეროპორტები დაიხურა

რუსეთის ოფიციალურმა პირებმა ორშაბათს განაცხადეს, რომ რუსეთის საჰაერო თავდაცვის სისტემები ღამის განმავლობაში ამოქმედდა, რათა მოეგერიებინათ განმეორებითი თავდასხმები დედაქალაქ მოსკოვზე, რამაც გამოიწვია ქალაქის ოთხი აეროპორტიდან ორის დახურვა.

მოსკოვის მერმა, სერგეი სობიანინმა, Telegram-ით განაცხადა, რომ რუსეთის თავდაცვის დანაყოფებმა 28 უპილოტო საფრენი აპარატი ჩამოაგდეს ხუთსაათიან პერიოდში.

რუსეთის საავიაციო ზედამხედველობის სააგენტო „როსავიაციამ“ განაცხადა, რომ საჰაერო უსაფრთხოების უზრუნველსაყოფად, დომოდედოვოს აეროპორტი და უფრო მცირე ჟუკოვსკის აეროპორტი 2240 GMT-ს მდგომარეობით დაიხურა.

შესაძლო ზიანის შესახებ ინფორმაცია არ ვრცელდება. უკრაინის მხრიდან ჯერჯერობით კომენტარი არ გაკეთებულა.