საგარეო საქმეთა მინისტრმა ჰაქან ფიდანმა შაბათს განაცხადა, რომ თურქეთი აგრძელებს დიპლომატიურ კონტაქტებს ამერიკის შეერთებულ შტატებს, ისრაელსა და ირანს შორის ომის დასასრულებლად.
თურქულენოვანი სახელმწიფოების ორგანიზაციის (TDT) საგარეო საქმეთა მინისტრების საბჭოს არაფორმალური შეხვედრის შემდეგ სიტყვით გამოსვლისას ფიდანმა თქვა: „ბატონი ფეზეშქიანის განცხადება — ‘ჩვენ არ დავესხმებით თავს, თუ თავდასხმა არ განხორციელდება ჩვენზე. ბოდიშს ვიხდით იმის გამო, რომ დავესხით თავს’ — არის ის ნათქვამი, რომელსაც ჩვენც ხაზს ვუსვამთ“.
ფიდანმა ასევე დასძინა: „კიდევ ერთხელ მსურს ხაზგასმით აღვნიშნო, რომ ჩვენ მკაცრად ვგმობთ თავდასხმებს, რომლებიც მესამე ქვეყნების წინააღმდეგ არის მიმართული“.
ფიდანი ასევე შეეხო თურქეთის უსაფრთხოებასთან დაკავშირებულ შეშფოთებას და თეირანი გააფრთხილა, რომ ირანიდან თურქეთის ტერიტორიის მიმართულებით სროლის არავითარი მცდელობა არ განხორციელდეს. ეს განცხადება მას შემდეგ გაკეთდა, რაც რამდენიმე დღის წინ NATO-მ ირანიდან ნასროლი და თურქეთისკენ მიმართული ბალისტიკური რაკეტის გადაჭერა მოახდინა.
საგარეო საქმეთა მინისტრმა ჰაქან ფიდანმა სტამბოლში ჟურნალისტებთან საუბრისას განაცხადა: „ჩვენ არ ვართ ქვეყანა, რომლის პროვოცირებაც ადვილია“.
ფიდანმა აღნიშნა: „ჩვენ ველაპარაკეთ ჩვენს მეგობრებს ირანში და ვუთხარით, რომ თუ ეს იყო გზააბნეული რაკეტაა, ეს სხვა შემთხვევაა. თუმცა, თუ ეს ვითარება გაგრძელდება, ჩვენი რჩევაა: იყავით ფრთხილად; ნუ მისცემთ უფლებას ირანში ვინმეს, ასეთ თავგადასავალში ჩაებას“.
ფიდანმა ასევე გააფრთხილა მხარეები ირანში რეჟიმის შეცვლის მიზნით სამოქალაქო ომის გაჩაღების მცდელობების წინააღმდეგ და აღნიშნა, რომ ეს „ისტორიული შეცდომა“ იქნება.
„ჩვენ ვეწინააღმდეგებით ყველა სცენარს, რომელიც ირანში ეთნიკურ ან კონფესიურ ნიადაგზე სამოქალაქო ომის გაჩაღებას ისახავს მიზნად. ეს ყველაზე სახიფათო სცენარია“, - განაცხადა მან.
