მუსტაფა ჩიფჩიმ სოციალურ ქსელში გამოქვეყნებულ განცხადებაში აღნიშნა, რომ პიანტედოსი და მისი თანმხლები დელეგაცია სამინისტროში მიიღეს.
ჩიფჩის განცხადებით, შეხვედრაზე უსაფრთხოების სფეროში არსებული საერთო დღის წესრიგის საკითხები განიხილეს, მათ შორის არალეგალურ მიგრაციასა და მიგრანტების უკანონო გადაყვანასთან ბრძოლა, ტერორიზმთან ბრძოლა, ახალი თაობის ორგანიზებული დანაშაულებრივი დაჯგუფებები და დამნაშავეთა ექსტრადიცია.
„მიგვაჩნია, რომ ტრანსსასაზღვრო საფრთხეებთან ბრძოლა ძლიერი საერთაშორისო სოლიდარობისა და ეფექტიანი თანამშრომლობის პირობებშია შესაძლებელი. ამ მიმართულებით გავუზიარეთ ჩვენი მოსაზრებები ხმელთაშუა ზღვაში არალეგალურ მიგრაციასთან ბრძოლის კუთხით ერთობლივი საქმიანობის გაძლიერების, ტერორისტული ორგანიზაციების დაფინანსებისა და პროპაგანდისტული საქმიანობის აღკვეთის, ასევე იტალიაში მყოფი ახალი თაობის დანაშაულებრივი დაჯგუფებების ლიდერებისა და წევრების თურქეთისთვის გადმოცემის შესახებ.
იტალიელმა კოლეგამაც განაცხადა, რომ მისი ქვეყანა ახალი თაობის დანაშაულებრივი დაჯგუფებების წინააღმდეგ მტკიცე პოზიციას დაიკავებს. ამასთან, ამ დანაშაულებრივ ქსელებთან უფრო ეფექტიანი ბრძოლისთვის ერთობლივი საგამოძიებო და სამძებრო ჯგუფების შექმნის წინადადება წამოაყენა“, – განაცხადა ჩიფჩიმ.
