პრეზიდენტი რეჯეფ თაიფ ერდოღანი ინდონეზიის პრეზიდენტ პრაბოვო სუბიანტოს ტელეფონით ესაუბრა.
პრეზიდენტის ადმინისტრაციის კომუნიკაციების დეპარტამენტის განცხადების თანახმად, საუბრისას განიხილეს თურქეთ-ინდონეზიის ურთიერთობები და რეგიონული და გლობალური დღის წესრიგის საკითხები.
საუბრისას პრეზიდენტმა ერდოღანმა გამოთქვა კმაყოფილება საერთაშორისო პლატფორმებზე ორი ქვეყნის სოლიდარობის გამო და აღნიშნა, რომ ამის გაგრძელება სასარგებლო იქნება როგორც თურქეთისთვის, ისე ინდონეზიისთვის.
ერდოღანმა ხაზი გაუსვა ორ ქვეყანას შორის თანამშრომლობის გაღრმავების მნიშვნელობას, განსაკუთრებით ვაჭრობისა და თავდაცვის მრეწველობის სფეროებში, და აღნიშნა, რომ ამ მიმართულებით ნაბიჯების გადადგმას კვლავ განაგრძობენ.
პრეზიდენტმა ერდოღანმა სუბიანტო ასევე მიიწვია COP31-ის ლიდერთა სამიტზე, რომელიც 9-20 ნოემბერს ანტალიაში გაიმართება.
