პაკისტანმა ღამის საათებში ავღანეთზე საჰაერო დარტყმები განახორციელა.

პაკისტანის ინფორმაციის სამინისტროს მიერ გავრცელებულ განცხადებაში ნათქვამია, რომ „სანდო სადაზვერვო მონაცემებზე“ დაყრდნობით, ავღანეთში მდებარე „ტერორისტულ ბანაკებსა და თავშესაფრებზე“ საჰაერო დარტყმები განხორციელდა.

განცხადების თანახმად, თავდასხმების შედეგად 22 „ტერორისტი“ იქნა ლიკვიდირებული და მიღებული იქნა ყველა საჭირო ზომა „თანამდევი (არაპირდაპირი) ზიანის“ თავიდან ასაცილებლად.

ავღანეთის ხელისუფლების პრესსპიკერმა ზაბიჰულა მუჯაჰიდმა კი სოციალურ ქსელში გამოქვეყნებულ განცხადებაში აღნიშნა, რომ პაკისტანმა ორ პროვინციაზე მიიტანა საჰაერო იერიში: „თავდასხმების შედეგად 9 ავღანელი მშვიდობიანი მოქალაქე დაიღუპა, მათ შორის ქალები და ბავშვები, ხოლო 11 ადამიანი დაიჭრა“.