თურქეთის წამყვანმა ტექნოლოგიურმა ღონისძიებამ TEKNOFEST-მა ოთხშაბათს სტამბოლში გაუღო კარი ვიზიტორებს.

ხუთდღიანი ღონისძიება, რომელიც სტამბოლის ათათურქის აეროპორტში ტარდება, ორგანიზებულია თურქეთის ტექნოლოგიური გუნდის (T3) ფონდისა და თურქეთის მრეწველობისა და ტექნოლოგიების სამინისტროს მიერ.

TEKNOFEST-ი 2018 წლიდან ტარდება ათობით საჯარო დაწესებულების, კერძო სექტორის პარტნიორისა და უნივერსიტეტის მხარდაჭერით.

TEKNOFEST-ი, რომელიც ყოველწლიურად განახლებული კონკურსის კატეგორიებით იპყრობს ყურადღებას, წელს 58 ძირითად ღონისძიებას და 137 ქვეპროგრამას მოიცავს.

მსოფლიოს სხვადასხვა კუთხიდან ღონისძიებაზე ჩამოსული მონაწილეები ცოდნისა და გამოცდილების გაზიარებით მნიშვნელოვან წინსვლას აღწევენ ტექნოლოგიების განვითარების სფეროში.

ტექნოლოგია, მღელვარება და ფრენა

TEKNOFEST-ი, რომელიც არა მხოლოდ ტექნოლოგიურ შეჯიბრებებს, არამედ შთამბეჭდავ ღონისძიებებს მასპინძლობს, კვირის ბოლომდე მიიღებს ვიზიტორებს.

ფესტივალზე გაიმართება საჰაერო შოუები, სხვადასხვა გამოფენები და სემინარები, შთამბეჭდავი სიმულაციური ზონები, პლანეტარიუმი, სავაჭრო ბაზრობის ღონისძიებები და სპეციალური სტუდენტური ფრენის ღონისძიებები. ყველა ეს ღონისძიება აერთიანებს ტექნოლოგიასა და მღელვარებას.

ღონისძიება, როგორც სტამბოლში ასევე თურქეთის სხვადასხვა ქალაქშიც ტარდება.

ფესტივალი დღემდე ორ უცხო ქვეყანაშიც ჩატარდა: აზერბაიჯანსა და ჩრდილოეთ კვიპროსის თურქულ რესპუბლიკაში.

ლურჯი სამშობლო, TEKNOFEST-ის საზღვაო ვერსია, გასულ თვეში სტამბოლში გაიმართა.

გასულ წელს თურქეთის სამხრეთით მდებარე ქალაქ ადანაში ჩატარებულ TEKNOFEST-ს დაახლოებით 1,1 მილიონი ვიზიტორი ეწვია.

TEKNOFEST-ს დღემდე ჯამში დაახლოებით 11 მილიონი ადამიანი ეწვია.