პალესტინის განათლების სამინისტრომ განაცხადა, რომ ბოლო 24 საათის განმავლობაში ისრაელმა ღაზაში სამი მოსწავლე მოკლა, და ბავშვების დასაცავად საერთაშორისო თანამეგობრობას ქმედითი ნაბიჯებისკენ მოუწოდა.
სამინისტროს მიერ გავრცელებულ წერილობით განცხადებაში აღნიშნულია, რომ ღაზაში მოსწავლეების სიცოცხლისთვის საფრთხეები სულ უფრო იზრდება.
განცხადებაში, სადაც ხაზგასმულია ისრაელის მიერ სამი მოსწავლის მოკვლის ფაქტი, გაეროს ბავშვთა ფონდსა (UNICEF) და ადამიანის უფლებათა საერთაშორისო ორგანიზაციებს მოუწოდებენ: უზრუნველყონ ბავშვთა უსაფრთხოება, გარანტირებული გახადონ მათი სკოლებსა და სასწავლო დაწესებულებებში უსაფრთხოდ გადაადგილება და აღრიცხონ ჩადენილი დარღვევები.
ადგილობრივი მედიის ინფორმაციით, ორი პალესტინელი ბავშვი ისრაელელი სამხედროების მიერ გახსნილ ცეცხლს ემსხვერპლა, ერთი კი - სკოლიდან სახლში დაბრუნების დროს განხორციელებულ საჰაერო იერიშს.
