ისრაელის პრემიერ-მინისტრმა ბენიამინ ნეთანიაჰუმ, 27 ოქტომბერს ქვეყანაში დაგეგმილი არჩევნების წინ, განაგრძო მუქარა და აღნიშნა, რომ „მათი მთავარი ამოცანა, ირანის რეჟიმის განადგურებაა“.

ისრაელის პრემიერ-მინისტრის ადმინისტრაციის მიერ გავრცელებული განცხადების თანახმად, ნეთანიაჰუ თავდაცვის მინისტრ იზრაელ კაცს, გენერალური შტაბის უფროს ეიალ ზამირსა და სხვა სარდლებს თელ-ავივში, თავდაცვის სამინისტროს „კირიას“ კომპლექსში შეხვდა.

თავის გამოსვლაში ნეთანიაჰუმ განაცხადა, რომ მათ უკუაგდეს ირანის საფრთხე და ამტკიცებდა, რომ თეირანის ხელმძღვანელობა „ბორძიკებს და ისეთი სუსტია, როგორც არასდროს“.

„ჩვენი უახლოესი მთავარი ამოცანა ირანის რეჟიმის დამხობაა და ჩვენს შესაძლებლობებში დარწმუნებულნი ვართ“, - განაცხადა ნეთანიაჰუმ და დასძინა, რომ ეს მიზანი შეუძლებელი კი არა, მიღწევადი და ახლოსაა.

ნეთანიაჰუმ ასევე აღნიშნა, რომ ირანი ისრაელის საპასუხო ქმედებების შიშით მათ თავს არ ესხმის და ხაზი გაუსვა ქვეყნის შიგნით ერთიანობის არსებობას.

ისრაელში 27 ოქტომბერს გასამართი არჩევნების წინ ჩატარებული საზოგადოებრივი აზრის გამოკითხვები აჩვენებს, რომ გენერალური შტაბის ყოფილი უფროსის, გადი ეიზენკოტის პარტია „იაშარი“ ლიდერობს.

ნეთანიაჰუ კი, რომელიც გამოკითხვებში რეიტინგულად ჩამორჩება, მუქარას აძლიერებს.