აშშ-ის დაზვერვის თანახმად, ჩინეთი ირანისთვის საჰაერო თავდაცვის სისტემების მიწოდებას გეგმავს

CNN-ის მიერ პარასკევს ღამით გავრცელებულ ინფორმაციაში, რომელიც ეყრდნობა დაზვერვის ბოლოდროინდელ მონაცემებში ჩახედულ სამ წყაროს, ნათქვამია, რომ აშშ-ის დაზვერვის თანახმად, ჩინეთი უახლოესი რამდენიმე კვირის განმავლობაში ირანისთვის საჰაერო თავდაცვის ახალი სისტემების მიწოდებას გეგმავს.

CNN-მა აღნიშნა, რომ არსებობს ნიშნები იმისა, რომ პეკინი გადაზიდვების წარმომავლობის დასამალად მათ მესამე ქვეყნების გავლით განხორციელებას ცდილობს.

აშშ-ის სახელმწიფო დეპარტამენტს, თეთრ სახლსა და ვაშინგტონში ჩინეთის საელჩოს Reuters-ის თხოვნაზე კომენტარის თაობაზე ჯერჯერობით პასუხი არ გაუციათ.

CNN-ი ანონიმურ წყაროებზე დაყრდნობით იტყობინება, რომ პეკინი ემზადება გადასცეს მხრიდან გასასროლი საჰაერო თავდაცვის სარაკეტო სისტემები, რომლებიც ცნობილია როგორც MANPADS-ი.

აშშ და ირანი შაბათს პაკისტანის დედაქალაქ ისლამაბადში მაღალი დონის მოლაპარაკებებს გამართავენ, რათა ექვსკვირიანი ომის დასრულების გზები გამონახონ.