პარიზის სასამართლომ ფრანგი მსახიობი ჟერარ დეპარდიე 2021 წელს ფილმის გადასაღებ მოედანზე ორ სხვადასხვა ქალზე სექსუალურ თავდასხმაში დამნაშავედ ცნო. ეს საქმე საფრანგეთში ერთ-ერთ ყველაზე გახმაურებულ #MeToo (#მეც) საქმედ იქცა.

საფრანგეთის კინოს ერთ-ერთი დიდი სახე, დეპარდიე, სასამართლო პროცესის განმავლობაში ბრალდებებს არაერთხელ უარყოფდა, მისმა ადვოკატმა კი მის წინააღმდეგ წაყენებული ბრალდებების მოხსნა მოითხოვა.

თუმცა, მოსამართლე ტიერი დონარმა განაცხადა, რომ დეპარდიეს ახსნა-განმარტებები მომხდართან დაკავშირებით დამაჯერებლად არ მიიჩნია.

პროკურორმა 76 წლის დეპარდიეს 18 თვით პირობითი პატიმრობა და 20 000 ევროს ოდენობის ჯარიმის გადახდა მოითხოვა.