თურქეთის პრეზიდენტმა რეჯეფ თაიფ ერდოღანმა, რეგიონული დაძაბულობის ფონზე თურქეთის ფრთხილ მიდგომას გაუსვა ხაზი და განაცხადა, რომ დიპლომატიური გადაწყვეტა „სავსებით შესაძლებელია“.

პრეზიდენტმა ერდოღანმა ხაზგასმით აღნიშნა, რომ აშშ-ისა და ისრაელის ომი ირანის წინააღმდეგ უნდა შეჩერდეს მანამ, სანამ ის მასშტაბურად გაიზრდება და რეგიონს მთლიანად ცეცხლში გაახვევს; მისივე თქმით, ეს შესაძლებელია, თუ დიპლომატიას შანსი მიეცემა.

ოთხშაბათს, პარლამენტში თავისი პარტიის ფრაქციის სხდომაზე სიტყვით გამოსვლისას ერდოღანმა განაცხადა, რომ თურქეთი „მოთმინებით აგრძელებს ძალისხმევას მოლაპარაკებების მაგიდასთან დასაბრუნებლად და დიპლომატიის კვლავ ასამუშავებლად“.

ერდოღანმა ასევე დასძინა, რომ ვითარების სენსიტიურობიდან გამომდინარე, თურქეთი ფრთხილად მოქმედებს და იღებს ზომებს მის გარშემო არსებული კონფლიქტებისგან თავის დასაცავად.

პრეზიდენტმა ასევე ხაზი გაუსვა, რომ თურქეთი გულგრილი არ რჩება რეგიონში არსებული კრიზისების მიმართ და გაჭირვების ჟამს მეგობრებსა და მოძმეებს ზურგს არ აქცევს.