ზელენსკიმ სოციალურ ქსელში გამოქვეყნებულ პოსტში ინფორმაცია გაავრცელა რუსეთის მიერ უკრაინაზე განხორციელებული საჰაერო თავდასხმების შესახებ.
მან აღნიშნა, რომ ბოლო ერთი კვირის განმავლობაში მისი ქვეყნის სხვადასხვა რეგიონზე იერიში 2 200-ზე მეტი დრონითა და დაახლოებით 1 650 მართვადი ბომბით მიიტანეს, თავდასხმებისას კი სხვადასხვა ტიპის 38 რაკეტაც გამოიყენეს.
„წუხანდელი თავდასხმების შედეგად 4 ადამიანი დაიღუპა“
ზელენსკიმ თავის მიმართვაში ასევე განაცხადა, რომ გასულ ღამეს რუსეთის არმიამ უკრაინის კიევის, ხარკოვის, პოლტავის, მიკოლაევის, სუმის, ხერსონისა და ჟიტომირის ოლქებში სამოქალაქო და ენერგეტიკული ინფრასტრუქტურა ამოიღო მიზანში.
ზელენსკიმ მიუთითა, რომ ზაპოროჟიეს ოლქსა და დედაქალაქ კიევზე მიტანილი იერიშების შედეგად 4 ადამიანი დაიღუპა: „რუსებმა ამ დილით კიევში მდებარე მონაცემთა ცენტრზე ორი იერიში მიიტანეს. პირველი თავდასხმისას 3 ადამიანი დაშავდა, მათ შორის 2 ბავშვია“.
ამასთანავე, უკრაინის შეიარაღებული ძალების საჰაერო ძალების სარდლობის მიერ გავრცელებულ წერილობით განცხადებაში ნათქვამია, რომ გასულ ღამეს რუსეთის მიერ გაშვებული 170 დრონიდან 147 განეიტრალდა.
განცხადებაში აღნიშნულია, რომ უკრაინის სხვადასხვა რეგიონზე საჰაერო თავდასხმები გრძელდება.
