სააგენტო „Kyodo“-ს ცნობით, იაპონიის მეტეოროლოგიურმა სააგენტომ (JMA) განაცხადა, რომ შიძუოკას პრეფექტურის დასავლეთით, ადგილობრივი დროით 01:04 საათზე, 5,7 მაგნიტუდის სიმძლავრის მიწისძვრა მოხდა.
მიწისძვრის შედეგად აიჩისა და შიძუოკას პრეფექტურებში 20-ზე მეტი ადამიანი დაშავდა.
დაახლოებით 40 კილომეტრის სიღრმეზე მომხდარი მიწისძვრის შემდეგ ცუნამის განგაში არ გამოცხადებულა, თუმცა ბიძგების გამო რეგიონში რამდენიმე სარკინიგზო რეისი შეფერხდა.
ოფიციალური პირების განცხადებით, ეს მიწისძვრა აიჩის პრეფექტურაში ბოლო დაახლოებით 30 წლის განმავლობაში დაფიქსირებული ყველაზე ძლიერი ბიძგები იყო.
