პრეზიდენტმა განაცხადა, რომ თურქული სამყარო "არასრულია" მანამ, სანამ ჩრდილოეთ კვიპროსის თურქული რესპუბლიკა არ იქნება თურქულ სახელმწიფოთა ორგანიზაციის შემადგენლობაში.
რეჯეფ თაიფ ერდოღანმა ოთხშაბათს, თურქულ სახელმწიფოთა ორგანიზაციის არაოფიციალურ სამიტზე, რომელიც უნგრეთის დედაქალაქ ბუდაპეშტში გაიმართა, განაცხადა: "ჩვენ ვფიქრობთ, რომ თურქული სამყაროს საოჯახო ფოტო, რომელზეც არ არის ჩრდილოეთ კვიპროსის თურქული რესპუბლიკა, ყოველთვის არასრული იქნება".
2022 წლის ნოემბერში, ჩკთრ-ს მიენიჭა ორგანიზაციის დამკვირვებელი წევრის სტატუსი სამარყანდის სამიტზე.
ერდოღანმა ასევე აღნიშნა, რომ შუა დერეფანი არის საკვანძო მარშრუტი აღმოსავლეთსა და დასავლეთს შორის და მოუწოდა თურქულ სახელმწიფოთა ორგანიზაციის შიგნით ამ მარშრუტის წარმატებისთვის უფრო ძლიერი თანამშრომლობისკენ.
რეგიონალურ კონფლიქტებზე საუბრისას ერდოღანმა თქვა: "ტრაგედიები, რომლებიც წარსულში მოხდა კვიპროსში, ყარაბაღში, ბოსნიაში და დღეს ღაზაში ხდება, გვახსენებს, რომ ჩვენი საზღვრებს მიღმაზეც უნდა ვიფიქროთ".
უკრაინაში მიმდინარე ომთან დაკავშირებით კი, ერდოღანმა განაცხადა: "ჩვენ გავაგრძელებთ ინტენსიურ კონტაქტებს ორივე ქვეყანასთან (რუსეთთან და უკრაინასთან) ყოვლისმომცველი ცეცხლის შეწყვეტისა და სამართლიანი მშვიდობის მისაღწევად".
