პრეზიდენტი ერდოღანი ვიცე-პრეზიდენტ ჯევდეთ ილმაზთან, ანკარის გუბერნატორ ვასიფ შაჰინთან, მმართველი პარტია AKP-ის ანკარის დეპუტატ ოსმან გოქჩექთან, მმართველი პარტია AKP-ის ანკარის პროვინციის ხელმძღვანელ ჰაქან ჰან ოზჯანთან და ქალაქ ქიზილჯაჰამამის მერთან სულეიმან აჯართან ერთად ეწვია გიულშენის სახლს, რომელიც მდებარეობს ქიზილჯაჰამამში.

პრეზიდენტი ერდოღანი რაიონის მაცხოვრებლებს მიესალმა.

მუზაფერ გიულშენის სახლში შესულ პრეზიდენტ ერდოღანს ოჯახის წევრები შეეგებნენ.

გიულშენთან ხანმოკლე საუბრის შემდეგ, მან პრეზიდენტ ერდოღანს უთხრა, რომ გარკვეული თანხა შეაგროვა და ამ თანხის პალესტინელი ბავშვებისთვის მიწოდება სურდა. ამის საპასუხოდ პრეზიდენტმა ერდოღანმა მის პირად მდივანს ჰასან დოღანს დაავალა, რომ ეს თანხა შემოწირულობის სახით პალესტინელ ბავშვებს გადაეცეს.

მოწამე ლუთფი გიულშენის ვაჟმა, მეთეჰან გიულშენმა საუბრისას თქვა, რომ მისი მამა და 2 ახლობელი საპრეზიდენტო კომპლექსზე თავდასხმის დროს მოწამეობრივად დაეცნენ და ამ სიამაყეს უკვე 9 წელია ატარებენ.

გიულშენმა თქვა: "ალაჰმა ინებოს, მათი სულები სამოთხეში იყოს. ალაჰმა არ მოგვაკლოს თქვენი თავი. ძალიან ბედნიერები ვართ თქვენი ნახვით".