თურქეთის საგარეო საქმეთა სამინისტრომ დაგმო „დაეშის“ ტერორისტის მიერ სირიაში განხორციელებული ტერორისტული თავდასხმა, რომელიც სირიულ და ამერიკულ ძალებს უმიზნებდა.
შაბათს ღამით გავრცელებულ განცხადებაში სამინისტრომ აღნიშნა:
„ვგმობთ ტერორისტულ თავდასხმას, რომელიც განხორციელდა სირიისა და აშშ-ის იმ ქვედანაყოფების წინააღმდეგ, რომლებიც სირიის ქალაქ პალმირას მახლობლად პატრულირებას ახორციელებდნენ.
სამძიმარს ვუცხადებთ თავდასხმის შედეგად დაღუპულთა ოჯახებს, ასევე სირიისა და აშშ-ის მთავრობებს, რომლებიც „დაეშის“ წინააღმდეგ ბრძოლის საერთაშორისო კოალიციაში ჩვენი პარტნიორები არიან.
ჩვენ კვლავაც გავაგრძელებთ სირიის მთავრობის ძალისხმევის მხარდაჭერას ქვეყანაში სტაბილურობისა და უსაფრთხოების განმტკიცებისა და ტერორიზმთან ბრძოლის მიმართულებით“.
შაბათს დილით, „დაეშთან“ დაკავშირებული შეიარაღებული პირის მიერ მოწყობილი ჩასაფრების შედეგად, ორი ამერიკელი სამხედრო და ერთი სამოქალაქო პირი დაიღუპა, სამი ადამიანი კი დაშავდა.
