აზერბაიჯანის პრეზიდენტმა ილჰამ ალიევმა ირანის პრეზიდენტ მასუდ პეზეშკიანთან სატელეფონო საუბარი გამართა. აზერბაიჯანის პრეზიდენტის ადმინისტრაციის მიერ გავრცელებული ინფორმაციის თანახმად, ალიევმა პეზეშკიანს ტელეფონით დაურეკა.
ალიევმა პეზეშკიანს დაბადების დღე მიულოცა, ჯანმრთელობა, დღეგრძელობა და საქმიანობაში წარმატებები უსურვა. პეზეშკიანმა თავის მხრივ მადლობა გადაუხადა ალიევს გამოჩენილი ყურადღებისა და მილოცვისთვის.
ლიდერებმა კმაყოფილებით გაიხსენეს ყირგიზეთის დედაქალაქ ბიშკეკში გამართული მათი ბოლო შეხვედრა და მასზე განხილული საკითხები.
საუბრისას ასევე აღინიშნა, რომ აზერბაიჯანის მთავრობის დელეგაცია ამჟამად ირანში იმყოფება, სადაც ორმხრივი ურთიერთობების დღის წესრიგში არსებულ საკითხებზე მოლაპარაკებებს აწარმოებს.
