ბულგარეთის პრეზიდენტმა ილიანა იოტოვამ განაცხადა, რომ ქვეყანაში 19 აპრილს რიგგარეშე საპარლამენტო არჩევნები ჩატარდება.
გასულ კვირას იოტოვამ ბულგარეთის ეროვნული ბანკის თავმჯდომარის მოადგილე, ანდრეი გიუროვი დანიშნა დროებითი მთავრობის მეთაურად, რომელსაც მორიგი საპარლამენტო არჩევნების მომზადება დაევალა; ეს იქნება რიგით მერვე არჩევნები ბოლო ხუთი წლის განმავლობაში ევროკავშირისა და ნატო-ს წევრ ამ ქვეყანაში.
წინა მთავრობა 11 დეკემბერს გადადგა რამდენიმე კვირიანი ქუჩის საპროტესტო აქციების შემდეგ, რაც გამოწვეული იყო ეკონომიკურ პოლიტიკასა და კორუფციასთან ბრძოლაში წარუმატებლობის აღქმით.
ოთხშაბათს, გიუროვთან შეხვედრის შემდეგ, რომელმაც დროებითი მთავრობის წევრები წარადგინა, გამართულ პრესკონფერენციაზე იოტოვამ განაცხადა: „გამოვცემ განკარგულებას 19 აპრილს არჩევნების ჩატარების შესახებ“.
ბულგარეთი, რომელიც ევროზონას 1 იანვარს შეუერთდა, დიდი ხანია პოლიტიკურ არასტაბილურობას განიცდის, რადგან დაქსაქსული პარლამენტის პირობებში პარტიები ვერ ახერხებენ სტაბილური სამთავრობო კოალიციების ჩამოყალიბებას.
