თურქეთის საგარეო საქმეთა მინისტრი ჰაქან ფიდანი ვიზიტის ფარგლებში რუსეთის დედაქალაქ მოსკოვში ჩავიდა. მინისტრი ფიდანი მოსკოვში რუსეთის საგარეო საქმეთა მინისტრ სერგეი ლავროვს შეხვდა. დელეგაციებს შორის გამართული შეხვედრის შემდეგ, ორმა მინისტრმა პრესკონფერენციაზე ისაუბრა.
მინისტრმა ფიდანმა განაცხადა: „თურქეთსა და რუსეთს შორის ურთიერთობები ურთიერთნდობას ეფუძნება. ჩვენი ორმხრივი თანამშრომლობა ინარჩუნებს პოზიტიურ კურსს. გვქონდა შესაძლებლობა განგვეხილა არაერთი საკითხი. ჩვენ გამოვთქვით სურვილი უკრაინაში მიმდინარე ომის მშვიდობიანი გზით დასრულების შესახებ, რომელიც უკვე მეხუთე წელია გრძელდება“. მან ასევე აღნიშნა, რომ ანკარა მზად არის „უმასპინძლოს მოლაპარაკებების რაუნდებს“.
ფიდანი ირანისა და ჰორმუზის სრუტის კრიზისსაც შეეხო შემდეგი სიტყვებით: „ირანსა და აშშ-ს შორის შეთანხმება სენსიტიურ პერიოდში, საბოლოო ხელმოწერების დადებამდე, აუცილებელია თავიდან იქნას აცილებული ისრაელის მხრიდან შესაძლო საბოტაჟის მცდელობები. სასიცოცხლოდ მნიშვნელოვანია ჰორმუზის სრუტე დარჩეს ღია თავისუფალი და შეუფერხებელი ტრანზიტისთვის, ისევე როგორც ეს ომამდე იყო“.
