ირანის ეროვნული უსაფრთხოების უმაღლესი საბჭოს გენერალურმა მდივანმა მოჰსინ რეზაიმ აშშ-ის პრეზიდენტი დონალდ ტრამპი გააკრიტიკა და განაცხადა: „ტრამპს არც მოლაპარაკებების წარმოება შეუძლია და არც ომი“.
ირანულ მედიაში გავრცელებული ცნობების თანახმად, რეზაიმ დედაქალაქ თეირანში აზერბაიჯანის პრემიერ-მინისტრის მრჩეველთან, შაჰინ მუსტაფაევთან, შეხვედრა გამართა.
შეხვედრის დროს რეზაიმ განაცხადა: „აშშ-ისა და ისრაელის თავდასხმები ირანზე ყველა საერთაშორისო კანონს ეწინააღმდეგება და ირანმა თავი დიდი ძალით დაიცვა. ტრამპი ჭაობში ჩაეფლო. ტრამპს არც მოლაპარაკებების წარმოება შეუძლია და არც ომი“.
რეზაიმ გაიხსენა, რომ მისმა ქვეყანამ აშშ-ს გარკვეული პირობები წაუყენა და, ამასთან, განაცხადა, რომ ტრამპს გადაწყვეტილებების მიღების უნარი არ აქვს. მისი თქმით, „აშშ-მ ბრძოლის ველზე არსებული უმწეობის გამო საჰაერო ბლოკადას მიმართა.“
რეზაიმ აღნიშნა, რომ ისტორიის განმავლობაში რეგიონში უცხო ძალები არაერთხელ მოსულან და წასულან, თუმცა ირანი ამ გეოგრაფიულ სივრცეში კვლავ რჩება.
მისი თქმით, რეგიონში აშშ-ს მომავალი არ აქვს. რეზაიმ ხაზი გაუსვა, რომ მისი ქვეყანა აშშ-ის წინააღმდეგ მტკიცედ დგას.
