პრეზიდენტმა რეჯეფ თაიფ ერდოღანმა ერს პრეზიდენტის სასახლეში გამართული მინისტრთა კაბინეტის სხდომის შემდეგ მიმართა.
თავის გამოსვლაში ერდოღანმა ისრაელის მთავრობა გააკრიტიკა და აღნიშნა: „ჩვენ ვართ დიდი ისტორიისა და დიდი სინდისის მქონე ერის წარმომადგენლები. საუკუნეების მანძილზე ხელს ვუწვდიდით უმწეოებს და ვეხმარებოდით ყველას, ვინც გასაჭირში იყო. კარი გავუღეთ მათ, ვინც ჩვენს ქვეყანას შეაფარა თავი“.
ერდოღანმა განაცხადა: „ჩვენ ოდნავადაც არ განვიხილავთ იმ მკვლელთა ქსელის ცილისწამებებს ჩვენი ქვეყნის მიმართ, რომელთა ხელებიც 73 ათასი უდანაშაულო ღაზელის - ძირითადად ბავშვებისა და ქალების - სისხლითაა გასვრილი. ჩვენს ისტორიაში არ არსებობს არც გენოციდი, არც ხოცვა-ჟლეტა, არც ჩაგვრა და არც კოლონიალიზმი. ჩვენს ათასწლოვან დიდებულ ისტორიაში მხოლოდ სამართლიანობა და მოწყალებაა. არსებობს ყველა ჩაგრულისთვის ხელის გაწვდენა მათი რელიგიის, წარმოშობისა თუ იდენტობის მიუხედავად. არსებობს ინკვიზიციისა და ნაცისტური ტირანიისგან გამოქცეულთა მფარველობის სათნოება. არსებობს ჩვენი გმირი წინაპრების ღირსეული პოზიცია, რომლებიც ამბობდნენ: ‘ტახტსაც დავთმობ, გვირგვინსაც, მაგრამ ჩემს სახელმწიფოს შეფარებულებს არ გავცემ’. ამას ყველაზე კარგად ისინი მიხვდებიან საკუთარ ისტორიას თუ გადახედავენ. ისინი, თურქეთსა და თურქ ერს ცილს სწამებენ ღაზაში ჩადენილი ბარბაროსობის დასამალად“.
