პრეზიდენტმა რეჯეფ თაიფ ერდოღანმა აღნიშნა, რომ თურქეთი მსოფლიოს ადამიანის უფლებების კუთხით მაგალითს აძლევს თავისი სამშვიდობო და სამართლიანობაზე ორიენტირებული ძალისხმევით ისეთ „სისხლითა და ცრემლით მორწყულ“ რეგიონებში, როგორიცაა ღაზა, სირია, სომალი და ლიბია.
ორშაბათს, დედაქალაქ ანკარაში, პრეზიდენტის რეზიდენციაში გამართული მთავრობის მორიგი სხდომის შემდეგ, პრესკონფერენციაზე სიტყვით გამოსვლისას ერდოღანმა თქვა, რომ რეგიონში მიმდინარე კონფლიქტები ადამიანის უფლებათა საყოველთაო დეკლარაციის და, უპირველეს ყოვლისა, სიცოცხლის უფლების დარღვევაზე მეტყველებს.
მან დაამატა, რომ ისრაელის მიერ ღაზაში ბოლო ორი წლის განმავლობაში მსოფლიოს თვალწინ ჩადენილი ომის დანაშაულები და გენოციდი ადამიანის უფლებათა საყოველთაო დეკლარაციის დარღვევის ყველაზე ნათელი მტკიცებულებაა.
„რეგიონულ კონფლიქტებში გაეროს ადამიანის უფლებათა საყოველთაო დეკლარაცია ფეხქვეშ ითელება“, - განაცხადა პრეზიდენტმა ერდოღანმა.
