თურქეთის საავიაციო და კოსმოსური მრეწველობის (TUSAŞ) მიერ გავრცელებული ინფორმაციის თანახმად, TUSAŞ-მა და ევროპულმა თვითმფრინავების მწარმოებელმა Airbus-მა, სამშაბათს, პარიზის საავიაციო გამოფენაზე, რომელიც პარიზ-ლე ბურჟეს აეროპორტში გაიმართა, ორი ახალი შეთანხმება გააფორმეს.
TUSAŞ-ი Airbus A320-ის საჭის ნაწილებს აწარმოებს, რომელიც სამოქალაქო ავიაციაში ყველაზე ფართოდ გამოყენებადი თვითმფრინავია.
თურქული თავდაცვის კომპანია ასევე აწარმოებს Airbus A350 F-ის სატვირთო თვითმფრინავის მეტალის ნაწილებს და ამ მოდელის მეტალის ნაწილების ერთადერთი მომწოდებელი იქნება.
ამ ორი ახალი შეთანხმებით, TUSAŞ-ი Airbus-ის ყველაზე ინოვაციური მოდელების A220, A320, A330 და A350-ის, ისევე როგორც Boeing-ის 737, 767, 777 და 767 Dreamliner-ის მოდელებისთვის ბევრ მნიშვნელოვან ნაწილს აწარმოებს.
კომპანიის განცხადების თანახმად, TUSAŞ-ი ამ თვითმფრინავებისთვის გამოუშვებს ნაწილებს ფრთებიდან დაშვების მექანიზმის პანელებამდე და ფიუზელაჟის სტრუქტურული ელემენტებიდან კომპოზიტურ ნაწილებამდე.
