ᲞᲝᲚᲘᲢᲘᲙᲐ
კითხვის დრო 2 წუთი
უნგრეთის პრემიერმა განაცხადა, რომ პრეზიდენტის გადასაყენებლად სამართლებრივ პროცედურებს დაიწყებს
უნგრეთის პრემიერ-მინისტრმა პეტერ მაგიარმა განაცხადა, რომ რადგან პრეზიდენტმა ტამაშ შუიოკმა თანამდებობიდან გადადგომაზე უარი თქვა, მისი პარტია პრეზიდენტის გადაყენების მიზნით სამართლებრივ პროცედურებს დაიწყებს.
უნგრეთის პრემიერმა განაცხადა, რომ პრეზიდენტის გადასაყენებლად სამართლებრივ პროცედურებს დაიწყებს
პრემიერ-მინისტრმა პეტერ მაგიარმა პრეზიდენტი ტამაშ შუიოკი ვიქტორ ორბანის ინტერესების მსახურებაში დაადანაშაულა. [არქივი] / Reuters

უნგრეთის პრემიერ-მინისტრმა პეტერ მაგიარმა ორშაბათს პრეზიდენტ ტამაშ შუიოკთან შეხვედრის შემდეგ განაცხადა, რომ თუ პრეზიდენტი არ გადადგება, მთავრობა მისი გადაყენების მიზნით სამართლებრივ პროცედურებს დაიწყებს.

მაგიარის მემარჯვენე-ცენტრისტულმა პარტია „ტისამ“ (Tisza), აპრილში მოპოვებული დამაჯერებელი გამარჯვების შედეგად, პრემიერ-მინისტრი ვიქტორ ორბანი ხელისუფლებას ჩამოაშორა და პირობა დადო, რომ თანამდებობიდან გადააყენებდა ბევრ იმ პირს, რომლებიც ორბანმა ბოლო 16 წლის განმავლობაში მნიშვნელოვან საჯარო პოსტებზე დანიშნა.

მაგიარმა გადადგომისკენ მოუწოდა შუიოკსაც, რომელიც 2024 წლის დასაწყისში ორბანის პარტია „ფიდესის“ (Fidesz) დეპუტატებმა აირჩიეს, და პრეზიდენტი მნიშვნელოვან საკითხებში ეროვნული ერთიანობის წარმოდგენისუუნარობასა და ორბანისა და მისი მთავრობის ინტერესების მსახურებაში დაადანაშაულა.

შუიოკმა კი თანამდებობიდან გადადგომაზე უარი თქვა.

„პრეზიდენტს ვუთხარი, რომ თუ ის თავის პოზიციას შეინარჩუნებს და არ გადადგება, დღესვე გავაცნობ ჩვენს საკანონმდებლო წინადადებებს „ტისას“ დეპუტატებს და დაუყოვნებლივ დავიწყებთ საჭირო პროცედურებს“, — განაცხადა მაგიარმა.

მანვე აღნიშნა, რომ პარლამენტში თავისი პარტიის ორი მესამედის უმრავლესობის გამოყენებით, შეცვლიდა კონსტიტუციასა და სხვა კანონებს, რათა შუიოკი თანამდებობიდან გადაეყენებინა.

პრემიერ-მინისტრის განცხადებით, პროცედურები დაახლოებით ერთ თვეს გასტანს და ყველა ის „თოჯინა“, რომელიც მონაწილეობდა „კანონის უზენაესობისა და დემოკრატიის ნგრევის“ პროცესში, თანამდებობიდან იქნება დათხოვნილი.

„უკანონო ულტიმატუმი“

ორბანის პარტია „ფიდესმა“ კი მაგიარი „უკანონო ულტიმატუმის“ წაყენებაში დაადანაშაულა და განაცხადა, რომ შუიოკი თავის კანონიერ მოვალეობას ასრულებს, რომელიც 2029 წლამდე გრძელდება, და მისი გადაყენება შეუძლებელია.

შუიოკი, რომელიც მანამდე უნგრეთის უმაღლესი სასამართლოს თავმჯდომარე იყო, ამ პოზიციაზე „ფიდესმა“ 2016 წელს აირჩია.

უნგრეთში პრეზიდენტის პოსტი მეტწილად სიმბოლურია, თუმცა შუიოკს შეუძლია კანონპროექტები გადასახედად პარლამენტს დაუბრუნოს ან საკონსტიტუციო სასამართლოში გადააგზავნოს. ამ უფლებამოსილებებით მას შეუძლია შეაფერხოს ან დაბლოკოს მაგიარის რეფორმების დღის წესრიგი.

აღმოაჩინეთ
ათათურქის ხსოვნისადმი მიძღვნილი სახელმწიფო ცერემონია ანითქაბირში გაიმართა
პრეზიდენტმა ერდოღანმა Apple-ის დირექტორთა საბჭოს თავმჯდომარე ტიმ კუკი მიიღო
COP31-ზე ირანის პავილიონში აშშ-ისრაელის თავდასხმების შედეგად დაღუპული ბავშვები გაიხსენეს
ერდოღანი: „მეტი კონფლიქტი რეგიონისთვის მეტი დანაკარგის გარდა არაფერს ნიშნავს“
COP31-ში მონაწილეობას 6 კონტინენტიდან 102 ლიდერი მიიღებს
ჩინეთის ჩრდილოეთში, საცხოვრებელ კორპუსში გაჩენილ ხანძარს მრავალი ადამიანი ემსხვერპლა
ჰამასი ღაზაში კარვის ჩამონგრევასთან დაკავშირებით: „პასუხისმგებლობა ისრაელს ეკისრება“
საფრანგეთი: აბუ-დაბიში რუსეთ-უკრაინის მოლაპარაკებებში ევროპა მოლაპარაკებების მაგიდასთან იქნება
ეგვიპტეში მატარებლის ავარიის შედეგად 7 ადამიანი დაიღუპა, 112 კი დაშავდა
გამოქვეყნდა თურქეთ-ერაყის ერთობლივი განცხადება პრესისთვის
პრეზიდენტ ერდოღანის მილოცვა აზერბაიჯანის გამარჯვების დღესთან დაკავშირებით
პრეზიდენტი ერდოღანი აზერბაიჯანში გაემგზავრა
საუდის არაბეთის 3 ქალაქში ადრეული გაფრთხილების სისტემა ამოქმედდა
იაპონიაში 5,7 მაგნიტუდის მიწისძვრის შედეგად 20-ზე მეტი ადამიანი დაშავდა
კოლუმბიაში სამხედრო ბაზაზე თავდასხმა განხორციელდა