ასტრონომებმა აღმოაჩინეს 27 ახალი პოტენციური პლანეტა, რომლებიც ორი ვარსკვლავის გარშემო ბრუნავენ, ისევე როგორც „ვარსკვლავური ომების“ პერსონაჟის, ლუკ სკაიუოკერის პლანეტა „ტატუინი“.

4 მაისს, რომელიც „ვარსკვლავური ომების დღის“ სახელითაა ცნობილი, გამოქვეყნებული კვლევის თანახმად, მეცნიერებმა გამოიყენეს მეთოდი, რომელსაც „აფსიდური პრეცესია“ ეწოდება. ამ მეთოდით მათ შეისწავლეს რხევები იმ ვარსკვლავებს შორის, რომლებიც ერთმანეთის გარშემო ბრუნავენ და წარმოქმნიან დაბნელებას.

ტრანზიტული ეგზოპლანეტების კვლევის თანამგზავრის (TESS) მონაცემების გამოყენებით, მკვლევრებმა აღმოაჩინეს 27 პოტენციური პლანეტა, რომლებიც ორი მზის ყოლის გამო „ვარსკვლავური ომების“ ლუკ სკაიუოკერის სამშობლო პლანეტა „ტატუინს“ შეადარეს.

დადგინდა, რომ ეს პლანეტები დედამიწიდან დაახლოებით 650-დან 18 000 სინათლის წლითაა დაშორებული, მათი ზომა კი ნეპტუნიდან იუპიტერზე 10-ჯერ დიდ ზომამდე მერყეობს.

კვლევის შედეგები სამეცნიერო ჟურნალში „Monthly Notices of the Royal Astronomical Society“ გამოქვეყნდა.