აშშ-ის პრეზიდენტმა დონალდ ტრამპმა განაცხადა, რომ აშშ-მა ოთხშაბათს ჩინეთთან სავაჭრო შეთანხმება გააფორმა, მაგრამ დეტალები არ გაუმხელია.

ტრამპმა ხუთშაბათს, თეთრ სახლში გამართულ ღონისძიებაზე, სახელწოდებით "One Big Beautiful Bill" ("ერთი დიდი ლამაზი კანონპროექტი"), განაცხადა: "ჩვენ ჩინეთთან გუშინ გავაფორმეთ, არა? ჩვენ ახლახან გავაფორმეთ ჩინეთთან".

"ჩინეთის შეთანხმებით ჩვენ ვიწყებთ ჩინეთის გახსნას. ხდება ისეთი რაღაცები, რაც არასდროს მოხდებოდა," - დასძინა მან.

ამ თვის დასაწყისში, აშშ-ისა და ჩინეთის წარმომადგენლები ლონდონში შეიკრიბნენ საბაჟო ტარიფების საკითხის განსახილველად.

აპრილში აშშ-მა ჩინეთიდან იმპორტირებულ საქონელზე მნიშვნელოვანი საბაჟო გადასახადები დააწესა. თუმცა, მაისში აშშ და ჩინეთი შეთანხმდნენ სადამსჯელო ტარიფების ფართოდ გაუქმებაზე პირველი 90 დღის განმავლობაში.

ტრამპმა ასევე განაცხადა, რომ აშშ-მა შესაძლოა ინდოეთთანაც გააფორმოს შეთანხმება.

მან განაცხადა, რომ აშშ-მა საბაჟო გადასახადებიდან 88 მილიარდი დოლარი შეაგროვა და დასძინა: "ეს მშვენიერი არ არის? 88 მილიარდი დოლარი".

მსგავსიTRT Global - US and China pause trade war as tariff-slashing deal takes effect

იშვიათ მიწათა ელემენტების ტრანსპორტირება

თეთრი სახლის წარმომადგენელმა განაცხადა, რომ "ადმინისტრაცია და ჩინეთი შეთანხმდნენ დამატებით ურთიერთგაგების მემორენდუმზე ჟენევის შეთანხმების განხორციელების ჩარჩოსთვის".

მისი თქმით, აღნიშნული ურთიერთგაგების მემორანდუმი "იმის შესახებ არის, თუ როგორ შეგვიძლია განვახორციელოთ იშვიათ მიწათა ელემენტების აშშ-ში ტრანსპორტირების ხელახალი დაჩქარება".

აშშ-ის ვაჭრობის მინისტრის, ჰოვარდ ლუტნიკის სიტყვები Bloomberg-მა ასე გაავრცელა: "ისინი მოგვაწვდიან იშვიათ მიწებს" და როდესაც ამას გააკეთებენ, "ჩვენ მივიღებთ საპასუხო ზომებს".

ტრამპმა, რომელიც რესპუბლიკელების მიერ შემოთავაზებულ გადასახადებისა და ხარჯების შემცირების კანონს წარადგენდა, განაცხადა, რომ "ერთი დიდი ლამაზი კანონპროექტი" აშშ-ის "ისტორიაში ერთ-ერთი ყველაზე მნიშვნელოვანი კანონია".

მან დასძინა, რომ "ერთი დიდი ლამაზი კანონპროექტი" საზღვრებს „დაიცავს“, გააძლიერებს ეკონომიკას და "დააბრუნებს ამერიკულ ოცნებას".

მას შემდეგ, რაც წარმომადგენელთა პალატამ გასულ თვეში ეს ყოვლისმომცველი კანონი მცირე უპირატესობით მიიღო, სენატის რესპუბლიკელები ახლა ცდილობენ, რომ ცვლილებებით მიიღონ კანონი, სანამ მას დასამტკიცებლად ქვედა პალატაში დააბრუნებენ.