როგორც თვითმხილველები იტყობინებიან, ოთხშაბათს ლიბიის დედაქალაქ ტრიპოლში შეიარაღებული შეტაკებები განახლდა.
ძალადობა დედაქალაქის აინ ზარას, რას ჰასანისა და ბინ აშურის უბნებში შეიარაღებულ ჯგუფებს შორის დაიწყო. დაშავებულების შესახებ ჯერჯერობით ინფორმაცია არ არის.
გაეროს ლიბიის მხარდაჭერის მისიამ ტრიპოლიში მიმდინარე კონფლიქტებთან დაკავშირებით შეშფოთება გამოთქვა. X პლატფორმაზე გაკეთებულ განცხადებაში ნათქვამია: "გაეროს ლიბიის მხარდაჭერის მისია ღრმად შეშფოთებულია ტრიპოლის მჭიდროდ დასახლებულ რაიონებში მეორე ღამეს ზედიზედ ძალადობის ესკალაციით. ეს მდგომარეობა უამრავ მშვიდობიან მოსახლეს სერიოზული საფრთხის ქვეშ აყენებს". მან ასევე გააკეთა მოწოდება ყველა დასახლებულ პუნქტში "დაუყოვნებლივ და უპირობოდ" შეწყდეს ცეცხლი.
შეტაკებები ორშაბათს დაიწყო საპრეზიდენტო საბჭოს დაქვემდებარებაში მყოფი სტაბილურობის მხარდამჭერი დანაყოფის ხელმძღვანელის, აბდელ ღანი ალ-კიკლის გარდაცვალების შემდეგ.
ლიბია არასტაბილურობისა და ქაოსის პისპირასაა 2011 წლიდან, მას შემდეგ, რაც დაემხო მუამარ კადაფი, რომელიც ქვეყანას 40 წლის განმავლობაში რეპრესიული რეჟიმით მართავდა.
