იაპონიის მეტეოროლოგიური სააგენტოს განცხადებით, დასავლეთ იაპონიაში ძლიერი, მაგნიტუდით 6.2 მიწისძვრა დაფიქსირდა, თუმცა ცუნამის შესახებ გაფრთხილება არ გამოცხადებულა.
მიწისძვრა დაარტყა შიმანეს პრეფექტურის აღმოსავლეთ ნაწილს სამშაბათს, ადგილობრივი დროით 10:18 საათზე (01:18 GMT), დაახლოებით 10 კილომეტრის (6.2 მილის) სიღრმეზე.
ამ მომენტისთვის მსხვერპლის შესახებ ცნობები არ არის.
კიოდო საინფორმაციო სააგენტოს ინფორმაციით, დაფიქსირდა მიმდევი რყევები, რომლებიც ნაკლები მაგნიტუდის იყო.
ოპერატორმა ჩუგოკუ ელექტრიკ პაუერ კო.–მ განაცხადა, რომ პირველადი მიწისძვრის შემდეგ მატსუეში მდებარე შიმანეს ბირთვულ ელექტროსადგურზე ანომალიები არ გამოვლინდა.
ასევე, დასავლეთ იაპონიაში ელექტროენერგიის გათიშვის გამო შეაჩერეს მაღალი სიჩქარის მატარებლების მომსახურება, ხოლო სანიო შინკანსენის მუშაობა დროებით შეჩერდა ოკაიამასა და ჰიროშიმას შორის.
