ვრცელდება ინფორმაცია, რომ საბერძნეთმა ისრაელისგან შეძენილი SPIKE NLOS-ის ტიპის შორი მოქმედების სარაკეტო სისტემები ზოგიერთ კუნძულზე განალაგა.
საინფორმაციო პორტალ „Onalert“-ის ცნობით, საბერძნეთმა ზოგიერთ კუნძულზე SPIKE NLOS-ის ტიპის შორი მოქმედების სარაკეტო სისტემები განათავსა, ხოლო ახალი პარტიების ეტაპობრივი განლაგება აღმოსავლეთ ეგეოსისა და მარიცას რეგიონებში დაგეგმა.
ᲠᲔᲙᲝᲛᲔᲜᲓᲔᲑᲣᲚᲘ
სტატიაში აღნიშნულია, რომ ამ რაკეტების გამოყენებისთვის სპეციალური მომზადებაა საჭირო, რის გამოც მიზნად ისახება წვრთნის პროცესის დაჩქარება და ამ ფარგლებში აღნიშნული სარაკეტო სისტემების სამხედრო სწავლებებში ეტაპობრივად ჩართვა.
ინფორმაციაში ასევე ნათქვამია, რომ SPIKE NLOS-ის ტიპის სარაკეტო სისტემების მიწოდების პროცესი გრძელდება და მიზანი წლის ბოლომდე შეკვეთის უდიდესი ნაწილის მიღებაა.
